'Mistress of Herself'. Aesthetics and Discourses of the New Woman in the Late Victorian Novel

Abstract

Esta tese de doutoramento explora a natureza esquiva da Muller Nova en discursos literarios a través da análise de catro grandes obras de ficción tardovictorianas: Daisy Miller (1878) de Henry James, The Story of An African Farm (1883) de Olive Schreiner, Keynotes & Discords (1893, 1994) de George Egerton, e The Heavenly Twins (1893) de Sarah Grand. Servíndose da análise textual e dun enfoque feminista-postestruturalista do discurso, amosa a Muller Nova coma un espazo conflitivo no que se proxectan imaxes caleidoscópicas de identidades femininas na fronteira, habitando os intersticios das representacións culturais da feminidade normativa. Prestando especial atención á construción estética e discursiva destas heroínas insubmisas, examínanse as contradicións internas e as estratexias narrativas máis eficaces implementadas pola literatura instalada na oposición no seu obxectivo definitivo de avanzar a axenda política e cambiar o mundo.