A Reprodución da forza de traballo na sociedade industrial: Unha análise comparada da obra de Karl Marx e Karl Polanyi

Abstract

O obxectivo deste traballo é avanzar no deliñamento das bases conceptuais da reproducción da forza de traballo, nas análises de Karl Marx e Karl Polanyi da forza de traballo como mercadoría creadora de plusvalor e mercadoría ficticia, respectivamente. Ambos autores presentan obras de contido e obxectivos moi semellantes, centrándose no papel fundamental do traballo asalariado nas sociedades industriais. Tamén na especificidade do modo de produción capitalista (que por extensión se podería aplicar, aínda que fora parcialmente, ao socialismo real e á súa forma particular de creación do homo economicus), así como polo interese nun programa antropolóxico de longo percorrido que, porén, Polanyi (e os seus discípulos) desenvolverá máis que Marx. Este paralelismo xustifica a análise comparada. Por outra banda, o interese de ambos pola centralidade do traballo asalariado, e concretamente a insistencia de Polanyi na incompatibilidade entre a mercantilización do traballo e a reprodución social, esixen unha mirada en detalle sobre a maneira de abordar esta cuestión en ambas obras. Unha mirada dende a revisión bibliográfica, fundamentalmente de fontes primarias.