Avaliación do trigo autóctono panificable dentro dun sistema de rotación sostible

Abstract

Avaliación da resposta do trigo autóctono (Triticum aestivum L.) en rotación con Lupinus albus L. doce incluíndo un ano de barbeito fronte ao monocultivo, na localidade de Tabeaio, concello de Carral, na Provincia da Coruña. Os resultados mostraron como a rotación influíu no rendemento de gran, nas impurezas en forma de sementes doutras especies, no peso hectolitro e no peso de mil sementes. O monocultivo afectou negativamente ás variables anteriores. Por outro lado, contribuíuse a avaliación do perfil ambiental de diferentes rotacións con variedades locais de trigo. Os resultados mostraron o efecto positivo destas variedades nas rotacións e na produción de pan. A menor dependencia de agroquímicos sumada ao beneficio da maior achega de residuos ao solo, confírenlle un mellor perfil ambiental.