Data driven synthesis of composite-feature detectors for 3D image analysis

Abstract

O uso de modelos de representación de baixo nivel é de grande importancia en tarefas de análise de imaxes. O contido dunha imaxe pode ser representado a diferentes niveis de detalle. No nivel máis alto tense unha representación puramente conceptual da imaxe coma un todo, correspondente á interpretación da escena conforme a un contexto semántico dado. No nivel de detalle máis baixo están os datos de partida, unha colección de valores de intensidade medidos nun conxunto discreto de posicións no espazo. Entrambos, pódese xerar toda unha serie de representacións intermedias, como propiedades locais, puntos característicos, partes de obxectos ou obxectos.