Xornalismo de "alta tecnoloxía" no terceiro milenio. Da realidade virtual á intelixencia artificial

Abstract

Os avances tecnolóxicos foron modificando o xornalismo ao longo da historia, simplificando e axilizando a produción, realización e difusión dos produtos informativos. A presente investigación analiza a incorporación de técnicas de ‘alta tecnoloxía’, como a realidade virtual ou a intelixencia artificial, ás redaccións dos medios de comunicación. A progresiva democratización da intelixencia artificial xenerativa a partir do nacemento de ChatGPT a finais do ano 2022 vai marcar un antes e un despois no uso que se fai destas tecnoloxías nos medios de comunicación. A presente tese doutoral analiza a situación actual desta tendencia en España, centrándose especialmente nos debates éticos que suscita a IA e buscando a súa integración nos medios de comunicación ao tempo que se manteñen os valores esenciais do xornalismo.