Factores determinantes do comercio interrexional. Modelización econométrica para España

Abstract

Neste traballo abórdase o estudo do comercio interrexional e dos seus factores determinantes, analizando a influencia de ditos factores no ámbito español a partires dunha modelización econométrica. Conclúese que as variables con maior relevancia nas transaccións interrexionais son o nivel de emprego, os gastos en I+D e o valor engadido bruto da comunidade (cunha incidencia positiva no volume comercial interrexional), mentres que outras variables como o nivel salarial, os prezos dos bens e o PIB teñen menos peso explicativo na competitividade comercial das rexións. Obsérvase tamén que a crise económica supuxo unha diminución do volume de comercio interrexional, aínda que non ten un papel demasiado relevante na explicación das vendas interrexionais.