O nacemento dunha institución. O deseño, creación e evolución do Consorcio Galego de Servizos de Igualdade e Benestar dende a análise de políticas públicas

Abstract

A investigación analiza a variación nas regras institucionais da política social galega que supuxo a creación na VII lexislatura autonómica do Consorcio Galego de Servizos de Igualdade e Benestar, facendo especial énfase na interacción entre os actores e na mobilización de recursos que estes levaron a cabo. Así, aplicarase o modelo de análise de políticas públicas de Subirats e outros (2008) para observar a evolución no comportamento dos actores, o policy style dominante en cada período analizado, e a incidencia que este estilo ten para acadar a estabilidade das regras institucionais. Deste xeito, compróbase como a estabilidade da política non se vencella co seu rendemento institucional, senón que se vencella co acordo institucional ó que poden chegar ou non os actores da policy network.