Intelixencia artificial, innovación e novas tecnoloxías en medios de comunicación públicos e privados

Abstract

A intelixencia artificial consolidouse como unha tecnoloxía transformadora capaz de asistir, optimizar e renovar a maior parte das liñas organizativas, operativas, produtivas e distributivas dos medios de comunicación. A crenza común é que as súas posibilidades e prestacións incrementarán exponencialmente nos vindeiros anos, permeando e expandíndose a todas aquelas tarefas e procesos nos que os xornalistas realmente non achegan valor, mimetizando o seu comportamento e ofrecendo resultados prometedores cun escaso marxe de erro. Esta prosperidade circula da man do risco de ceder o peso da profesión a unha ferramenta facilmente manipulable, sen conciencia crítica, e cunha ética dependente do seu creador.