A maldade leva nome de muller : do realismo ao expresionismo

Abstract

Ao longo da historia da arte a muller adoptou o rol de musa ou modelo dun pintor varón e a súa representación iría mudando ao longo do tempo. A pesar desta evolución, a tendencia de amosar a muller como obxecto de desexo do home é unha tónica que se mantén ao longo de toda a historia da arte. Porén, a evolución da representación da muller será especialmente rechamante durante a arte contemporánea, un período artístico que se ve afectado polos grandes cambios políticos e sociais como foi a irrupción da muller no ámbito público, despois da I Guerra Mundial que, sen dúbida, tería gran repercusión nas obras destes artistas. A muller deixa de ser retratada baixo os canóns de beleza convencionais e, en tan só un século, pasa de ser representada como muller traballadora, a prostituta e fonte de todos os males.