Bandeiras, pastillas e océanos azuis. A cooperación galega de cara ás eleccións ao Parlamento de Galicia de outubro de 2012

Abstract

A seguir presentamos unha escolma de pensamentos e análises sobre a cooperación galega ao desenvolvemento no horizonte das incertezas e inquedanzas que representa a vindeira IX lexislatura en Galicia. Este documento artéllase arredor dun ramallo de preguntas: Que aconteceu nestes últimos tres anos e medio en Galicia? Cal foi o impacto da cicloxénese explosiva que arrombou coa cooperación autonómica en España? Podemos imaxinar escenarios de futuro ou celebraremos en breve un funeral conxunto pola cooperación galega e española? Existen oportunidades realistas de innovación e experimentación para a cooperación galega?