As disparidades económicas a nivel provincial e comarcal en Galicia : análise da súa dinámica no presente século (2000-2016)

Abstract

O estudo das disparidades entre as provincias galegas permite afirmar que se está a producir, nas últimas décadas, un proceso de converxencia en Galicia, dándose un achegamento de Lugo e Ourense cara Pontevedra e A Coruña. Sen embargo, este fenómeno non se debe a un dinamismo maior das provincias orientais senón á perda constante de peso demográfico, concentrándose cada vez máis a actividade económica na costa atlántica. Descendo ao nivel comarcal, as disparidades son maiores dada a heteroxeneidade que presentan mais, ao igual que no caso das provincias, deuse unha converxencia case continuada que se viu interrompida na etapa de crise, volvendo a converxer nos anos da fase de recuperación económica. A todo isto súmaselle a acción pública como factor atenuante das disparidades que se ve reflexada na redución da fenda, tanto entre provincias coma entre comarcas, ao pasar das Rendas rimarias á Renda Dispoñible Bruta.