O xornalismo vilalbés no primeiro terzo do século XX

Abstract

O século XX estivo marcado por múltiples acontecementos cuxas consecuencias chegan ata a actualidade. No apartado da información e da comunicación, a comezos deste século, foi cando os xornais se consolidaron como as principais fontes de información, aínda que xa apareceran nas dúas centurias anteriores. A prensa pasou a ser a narradora dos feitos que estaban cambiando o mundo. Este mesmo fenómeno deuse, non só nas grandes cidades, senón tamén nas vilas máis pequenas. Vilalba (Lugo) é un claro exemplo. Nesta localidade xurdiron no primeiro terzo do século XX, polo menos, vinte publicacións. Moitas delas eran feitas de maneira artesanal e duraban pouco na rúa, pero contribuíron e influíron, dunha ou doutra maneira, en Vilalba e na súa comarca