Dúas cidades diferentes en case todo pero iguais nos "vicios": a prostitución en Santiago de Compostela e Vigo durante o primeiro tercio do século XX

Abstract

O estudio da prostitución en Galicia é un campo de investigación novo, xa que se comezou a tratar na década dos noventa do pasado século. O obxectivo deste traballo é presentar en común os casos de dúas cidades que xa tiñan sido estudiadas por separado. Hai que subliñar os abundan­ tes aspectos comúns que presentaba o exercicio da prostitución nos dous núcleos urbanos: prosti­ tutas regulamentadas con perfiles moi similares que tiñan moi difícil abandonar a actividade, coin­ cidencias na súa procedencia xeográfica, alto grado de mobilidade que as levaba a establecerse nos principais núcleos urbanos galegos que conformaban un circuíto propio. Por último, sinalar que as autoridades trataban de sanear este "vicio" con escasos resultados, pois a cotío o que establecía a regulamentación e a realidade do que pasaba nos prostíbulos ían por carniños diferentes.