Aplicación do método das series de Taylor ao estudo do movemento orbital e rotacional do satélite artificial

Abstract

Presentamos nesta Tese o traballo realizado no eido da Astrodinámica no tocante ao movemento rototranslacional do satélite artificial. A cerna das nosas investigacións é o emprego do método de series de Taylor para poder integrar as ecuacións que rexen o movemento traslacional e rotacional do satélite artificial. Mediante a técnica de diferenciación automática e a creación dunha álxebra de series axeitada seremos quen de implementar o devandito método en sendos propagadores orbitais con diferentes formulacións: un deles coa newtoniana creado para o movemento traslacional e o outro coa hamiltoniana para o movemento rotacional. Isto permitiranos calcular efemérides de xeito preciso e eficiente. Estableceremos tamén por primeira vez as doce ecuacións de Lagrange do movemento rototranslatorio do satélite artificial.