Estudo de aplicación de fitosanitarios en invernadoiros de Galicia

Abstract

A Prevención de Riscos e a mellora das Condicións de Traballo da poboación laboral deben ser obxectivos importantes e prioritarios, ós que a Consellería de Traballo e Benestar da Xunta de Galicia dedica interese e medios, mediante un conxunto de medidas e actuacións planificadas. Neste contexto sitúanse un conxunto de decisións para levar a cabo estudos nos diferentes campos productivos, onde a agricultura ocupa un posto de gran incidencia. A utilización de productos fitosanitarios no sector agrícola ten unha gran relevancia nos cultivos en invernadoiro e a exposición a aqueles de todas as persoas que interveñen no proceso productivo é evidente. Por iso, as condicións de traballo nos invernadoiros de Galicia constitúe un obxectivo prioritario nos contidos e actuacións que abordan os diversos estudos para tratar de reducir a siniestralidade laboral e mellorar as condicións de vida das persoas ligadas a esa actividade. Esta publicación é unha ferramenta informativa e divulgativa que espero permita mellorar o coñecemento para adoptar medidas de seguridade na aplicación de productos fitosanitarios nos cultivos de invernadoiro de Galicia. Este estudo sobre a aplicación de fitosanitarios nos invernadoiros de Galicia é o primeiro que leva a cabo a Asociación para o Desenvolvemento do Agro (ADA), en colaboración coa Escola Politécnica Superior de Lugo da Universidade de Santiago de Compostela e subvencionado pola Consellería de Traballo e Benestar. O noso agradecemento, por facer realidade este traballo.