A Formación Profesional Dual en España

Abstract

Pese a que existen antecedentes normativos que levaron ao nacemento da formación profesional dual, verdadeiramente a formación profesional dual (FPD de aquí en adiante) créase a partir do Real Decreto 1529/2012, do 8 de novembro, polo que se desenvolve o contrato para a formación e a aprendizaxe e se establecen as bases da formación profesional dual. Neste RD, defínese a FPD como: “o conxunto de accións e iniciativas formativas, mixtas de emprego e formación, que teñen por obxecto a cualificación profesional dos traballadores nun réxime de alternancia da actividade laboral nunha empresa coa formación recibida no marco do sistema de formación profesional para o emprego e do sistema educativo”. Por outro lado, non debemos esquecernos da Orde ESS/2518/2013, de 26 de decembro, pola que se regulan os aspectos formativos do contrato para a formación e a aprendizaxe, que se encarga de definir con máis detalle aqueles aspectos que teñen que ver coa propia actividade formativa (tempo de dedicación, contidos, requisitos dos centros, a autorizacións, avaliación, entre outros moitos aspectos relacionados coa formación).