Cursos de competencias en información para Humanidades da Biblioteca Universitaria: Informe do curso 2021/2022

Abstract

O presente informe ten por finalidade dar conta das actividades formativas relacionadas coas competencias dixitais e informacionais levadas a cabo polas bibliotecas das Facultades de Filoloxía, Xeografía e Historia e Filosofía durante o ano académico 2021/2022.

Este documento pretende comunicar tanto aos órganos de goberno das respectivas facultades como á Biblioteca Universitaria os resultados da formación dirixida ao alumnado de Humanidades do Campus de Santiago. O seu obxectivo é difundir as actividades de formación realizadas nos diferentes centros; presentar os datos de participación, aptitude e satisfacción do alumnado e do profesorado; avaliar os resultados obtidos, e reflexionar sobre as necesidade de mellorar en distintos aspectos como a difusión, a actualización dos contidos, a avaliación ou a colaboración co profesorado.