O proceso de modernización escolar na provincia de Lugo (1900-1936)

Abstract

A presente tese doutoral recolle o estudo dos cambios educativos que se realizaron na provincia de Lugo dende 1900 ata 1936 para modernizar a escola e combater o deficitario estado do ensino primario herdado do século XIX. Con estas miras, esta investigación analizou a escola, os mestres, a inspección e os factores de modernización que favoreceron a toma de conciencia social sobre a importancia da educación, a procura da igualdade de oportunidades e as iniciativas educativas de melloramento. A pesar disto, estas reformas foron insuficientes e paralizadas debido, entre outros motivos, á falta de recursos, aos frecuentes cambios do goberno e á chegada da Guerra Civil Española.