Unha enxeñeira ou científica en cada cole

Abstract

Nesta comunicación, presentamos o proxecto Unha enxeñeira ou científica en cada cole organizado pola Oficina de Igualdade de Xénero da Universidade de Santiago de Compostela (USC) en colaboración co Concello de Santiago de Compostela. Esta iniciativa pretende incentivar a presenza de rapazas en carreiras relacionadas coas disciplinas STEM (ciencia, enxeñería, tecnoloxía e matemáticas), mediante actividades didácticas nos centros educativos que rachen cos estereotipos sexistas da nosa sociedade. A actividade didáctica consistiu na realización de dezanove obradoiros, dirixidos a nenas e nenos de 5º ou 6º de primaria e realizados nos meses de setembro e outubro de 2016. Os obradoiros foron impartidos por profesoras ou investigadoras da USC e do Centro de Supercomputación de Galicia (CESGA) para crear referentes femininos e incentivar a presenza de rapazas no ámbito científico tecnolóxico. Ademais, estes obradoiros amosaron a relación da ciencia e da tecnoloxía coa nosa vida cotiá e serviron para achegar ao alumnado a estas disciplinas dun xeito lúdico