Perfil dos alumnos que abandonan o ensino básico, cursado en réxime ordinario, sen o título de graduado en ESO

Abstract

A elaboración do perfil-tipo do alumno que abandona o ensino básico, cursado en réxime ordinario, sen o título de Graduado en ESO debería servir para comprobar si as características que o configuran son propias e únicas de cada un ou son comúns a todos eles e, en que medida, dependen do contexto espazo xeográfico no que residen. Para dar resposta a estas dúas cuestións proponse unha investigación, dende unha perspectiva ecolóxica, na que se aborda o estudo dos contextos do espazo xeográfico, sociocultural e educativo no que se desenrolan as vidas destes alumnos. Aínda conscientes da amplitude do campo de estudo, non se parte de categorías preconcebidas previamente senón que estas emerxen unha vez analizada a información recollida. O proceso seguido comeza cá delimitación da poboación obxecto de estudo que estará formada polos alumnos que non acadan o título de Graduado en ESO en catros centros de ensino secundario público asentados en distintas paisaxes xeográficas humanizadas, todos na provincia da Coruña nun período de 8 cursos, dende o curso 02-03 ata o 09-10. Unha vez delimitada a poboación a estudar procédese á procura e recollida de datos dos alumnos que cumpren o criterio da non titulación. Acúdese aos arquivos dos centros nos que se atopan os expedientes e procédese a recollida de datos que despois serán categorizados e, analizados. Estes datos complétanse con entrevistas semiestruturadas a alumnos e orientadores. Esta investigación, obxectivo da tese, estrutúrase en dúas partes: fundamentación teórico-metodolóxica e estudo empírico.