Unha experiencia de inclusión da perspectiva de xénero na docencia de mestrado

Abstract

O presente traballo describe a experiencia de inclusión da perspectiva de xénero na docencia da materia Estrutura Social e Estado do Benestar, impartida nun mestrado da Universidade de Santiago de Compostela. A inclusión da perspectiva de xénero unida á utilización de metodoloxías activas constitúe unha experiencia de innovación docente. Realízase unha introdución dende a óptica do xénero a través do desenvolvemento de contidos específicos e tamén de xeito transversal, a través do fomento da actitude crítica e de debates e de metodoloxías de aprendizaxe activas. Os resultados da experiencia foron positivos tanto para o alumnado como para o profesorado e póñense de relevo certas problemáticas como a visibilización das mulleres en termos dos recursos bibliográficos.