O desenvolvemento das prácticas científicas de construción e uso de modelos e probas: un estudo lonxitudinal en educación infantil

Abstract

A tese ten como obxectivo examinar a participación do alumnado de educación infantil nas prácticas científicas de uso de probas e o uso e construcción de modelos e explicacións e como esta participación evoluciona ao longo da etapa. Acompáñase a un grupo durante toda a etapa de educación infantil e a outro grupo no mesmo centro, durante o terceiro curso de educación infantil. Os resultados indican que nenas e nenos participan nas prácticas científicas con crecente autonomía e complexidade a medida que avanzan na etapa. Unha contribución orixinal da tese é a caracterización da observación cun propósito (Monteira & Jiménez-Aleixandre, 2016), que definimos como un tipo de observación prolongada no tempo, cun propósito determinado, andamiada, discutida e utilizada para apoiar conclusións e revisar teorías.