Ruta Botánica polo Campus de Lugo

Abstract

Esta obra deriva do Inventario da Flora Leñosa do Campus Universitario de Lugo, traballo encargado pola Universidade de Santiago de Compostela e desenvolvido entre os meses de marzo e setembro de 2011. Nas aproximadamente 34 ha e media que ocupa o Campus lucense identificáronse 230 taxóns leñosos entre especies, híbridos, variedades silvestres e cultivadas (cultivares). Ademais, pola súa abundancia en todo o Campus, incluíronse as herbáceas Cortaderia selloana e Phormium tenax, polo que o número final de taxóns catalogados ascende a 232, repartidos en 49 familias, 101 xéneros, 149 especies e 8 híbridos, entre eles un interxenérico (x Cupressocyparis). Avanzando un paso máis na aposta dixital en acceso aberto da USC, por vez primeira un produto editorial preséntase nun triple formato e soporte: .pdf para ordenadores fixos ou portátiles; Android para tablets e aplicación Apple para iPad.