Eficacia do bloqueo de nervios pectorais para a analxesia postoperatoria na cirurxía da mama: revisión sistemática e meta-análise

Abstract

Nesta revisión sistemática con metaanálise estudouse a eficacia analxésica do bloqueo PECS na cirurxía da mama. Na comparación fronte a administración unicamente de Analxesia Xeral, o Bloqueo PECS sí demostrou ser máis eficaz, dado que resultou ser significativamente superior tanto na dose acumulada en 24 horas de equivalentes de morfina (mg) como nas escalas de dor medidas tanto en repouso como en abdución ao longo das 24 horas. Na comparación fronte ao Bloqueo Serrato, o Bloqueo PECS non demostrou ser superior en eficacia, amosando unha aparente equivalencia entre ambas técnicas que non se pode afirmar con seguridade dado baixo número de estudos incluídos e a súa heteroxeneidade. Na comparación fronte ao Bloqueo Paravertebral Torácico, o Bloqueo PECS tampouco amosou ser superior na eficacia, amosando de novo unha equivalencia en todas as variables entre ambas técnicas. Na comparación fronte ao Bloqueo Espiñal, o Bloqueo PECS si demostrou ser máis eficaz, dado que amosou a súa superioridade significativa tanto na variable de consumo de opioides en 24 horas como na variable da puntuación nas escalas de dor en repouso ao longo de 24h (as demáis variables de eficacia non foron medidas na meirande parte dos estudos). No eido da seguridade, só se pode afirmar que esta técnica é equivalente ás anteriores no referente ás náuseas e vómitos postoperatorios, dado que non se dispoñen de datos para afirmalo noutros aspectos