Unha cooperación pobre para os máis pobres. Análise do Proxecto de Lei de Orzamentos Xerais da Comunidade Autónoma de Galicia para o ano 2011

Abstract

En decembro de 2010 serán aprobados os segundos orzamentos da lexislatura 2009‐2013 do Goberno da Xunta de Galicia polo Partido Popular. Por segundo ano consecutivo, a Coordinadora Galega de ONGD quere presentar á opinión pública unha análise dos devanditos orzamentos en relación á cooperación exterior ao desenvolvemento da Xunta de Galicia. Como principal instrumento da política económica e social de goberno, os orzamentos permiten analizar as principais liñas de actuación da Xunta de Galicia así como determinar as súas prioridades políticas e ideolóxicas. E tras dous anos de orzamentos elaborados polo goberno de D. Alberto Nuñez Feijoo, a Coordinadora Galega de ONGD quere denunciar que a loita contra a pobreza a nivel internacional non representa en absoluto unha prioridade política para a Xunta de Galicia.