Evohé: Revista Cultural do Campus de Lugo, número 30

Abstract

Evohé. Revista Cultural do Campus de Lugo, a máis lonxeva do estudantado da USC, alcanza o seu número 30 deseñada e presentada polo seu director, Mario Sanfiz, coa colaboración de Alba González. Este trintenario conmemórase cun monográfico dedicado a comentarios de textos actuais, sobre todo de autores relacionados coa Facultade de Humanidades lucense, debido a alumnado do poeta e profesor Claudio Rodríguez Fer na asignatura de Comentario de Textos Literarios. Neste monográfico coméntanse poemas de diversas temáticas -vitalista de Cristina Fiaño, sentimental de Saturnino Valladares, culturalista de Héctor Acebo, amorosa de Tera Blanco de Saracho e erótica de Adina Vladu-, así como un artigo lúdico de Miguel Anxo Murado e un relato intercultural de Saturnino Valladares. A autoría dos comentarios corresponde a Vanessa Eimil, Catalina Herrera Ravinet, Sara Flores Fraga, Eugenia Vázquez Pereira, Santiago Argüeso Galván, Marcela Bao e Mariana Vergara.

Fóra do monográfico aparecen dous artigos da hispanista norteamericana Lily Litvak: un sobre o pintor cubano Aldo Menéndez e outro sobre "La novela del Ángel Rojo", dedicada ao benfeitor anarquista Melchor Rodríguez, que salvou centos de vidas durante a guerra civil española. Tamén se publican varios traballos en prosa das alumnas mexicanas de intercambio Mariana Vergara e Paula Fernández, ademais de poemas asinados por Kevin Rodríguez e Pendragon