Políticas de promoción de sectores eólicos periféricos. Estudo do sector eólico galego e os seus efectos económicos

Abstract

As singularidades estruturais en rexións periféricas poden cuestionar as políticas de promoción sectoriais tradicionais e o impacto económico derivado deste desenvolvemento. Os principais obxectivos desta tese de doutoramento consisten na cuantificación do impacto económico do sector eólico galego na economía rexional, e analizar a interacción entre as capacidades produtivas locais e os axentes multinacionais para modernizar este sector. En relación coa análise do impacto económico, a metodoloxía baséase nos modelos input-output e na análise da cadea de valor sectorial. O estudo das interaccións sectoriais fundaméntase nunha nova metodoloxía que combina o enfoque sistémico e evolucionista dos sistemas de innovación e a perspectiva das cadeas de valor globais. As evidencias empíricas subliñan o impacto económico significativo do sector eólico na economía galega. Porén, a falta de masa crítica e a debilidade institucional, a inestabilidade lexislativa e o baixo desempeño innovador debilitan o desenvolvemento sectorial. Deste modo, é recomendable o fortalecemento das pautas de gobernanza.