Uso das TIC na intervención en habilidades socioemocionais de poboación infanto-xuvenil con TEA: unha revisión bibliográfica, O programa IntegraTEA como proposta de intervención

Abstract

As dificultades na interacción social e na expresión e recoñecemento emocional son propias do Trastorno do Espectro Autista (TEA), interferindo na adaptación das persoas con esta condición. Ante esta realidade, aumentou o interese nos serious games como potenciais ferramentas dixitais na intervención psicolóxica. Este traballo pretende revisar a evidencia actual sobre o uso destes videoxogos no desenvolvemento de competencias socioemocionais en nenos/as e adolescentes con TEA, e propoñer unha intervención aplicable no ámbito sanitario. Seguindo a metodoloxía PRISMA, seleccionáronse e analizáronse 17 estudos publicados na última década en PsycInfo, Web of Science e Scopus. Os resultados apuntan a melloras nas habilidades sociais dos participantes con TEA fronte á liña base, e nalgúns casos tamén respecto ao grupo de desenvolvemento típico. Observouse un incremento no recoñecemento emocional, aínda que a expresión non amosou cambios consistentes. En base á literatura existente, deseñouse unha intervención baseada nun videoxogo para abordar os déficits socioemocionais nesta poboación. Conta con nove sesións (seis dirixidas a nenos/as e tres ás familias), máis dúas de avaliación. Os compoñentes do xogo inclúen feedback inmediato, reforzamento positivo, modelado e control estimular. En definitiva, os serious games semellan constituír un medio adaptable e seguro para a aprendizaxe das habilidades socioemocionais no TEA

Difficulties in social interaction and emotional recognition and expression are core features of Autism Spectrum Disorder (ASD) that often compromise adaptation to the environment. To address these challenges, there has been growing interest in serious games as potential digital tools for psychological intervention. This study aims to review the current evidence regarding the use of such games in developing socioemotional skills in children and adolescents with ASD, and to propose an intervention framework. Following the PRISMA methodology, 17 studies published in PsycInfo, Web of Science and Scopus over the last decade were selected and analysed. Findings indicate improvements in several social skills among ASD participants compared to baseline measures and, in some domains, also compared to the typically developing group. An enhancement in emotion recognition was observed, although gains in expression were inconsistent. Drawing on existing literature, an intervention based on a videogame was designed to promote the development of these skills, consisting of nine sessions (six targeting children and three aimed at families), along with two assessment sessions. The game’s components include immediate feedback, positive reinforcement, modelling and stimulus control. Overall, serious games seem to offer a flexible and safe context for fostering socio-emotional skills in ASD individuals