O concubinato rexio como modelo de fundación monástica nas coroas de León e Castela: séculos XI-XIII

Abstract

A investigación deste traballo presenta como tema, o concubinato rexio como modelo de fundación monacal nas Coroas de León e Castela entre os séculos XI e XIII. Analizáronse os casos dalgunhas concubinas coñecidas dos monarcas destes gobernos, que emprenderon diferentes fundacións monásticas, a maioría logo de poñer fin ao tipo de relación á marxe do matrimonio canónico que foi o concubinato. Procedeuse a afondar na interpretación que tomaron estes espazos, en moitas ocasións como lugares de purificación, compunción ou refuxio e que se diferenciaron doutros promovidos tamén por mulleres da nobreza.