RT Generic
T1 Problemas discursivos nos textos escritos en galego por alumnado de segundo de bacharelato
A1 Gómez Gallego, Ana
K1 Galego escrito
K1 Análise do discurso
K1 Textualidade
K1 Alumnos de secundaria
K1 Corpus ORTEGAL
K1 Ensino do galego
AB Ao final da etapa postobrigatoria da Educación Secundaria supónselle ao alumnado galego un elevado dominio da expresión escrita en lingua galega: para superar esta fase necesitan, en principio, coñecer o código e mais os procesos de composición textual. Non obstante, como é natural, os escritos destes aprendentes presentan unha serie de problemas que convén identificar e analizar para sermos máis eficientes á hora de atallalos desde as aulas ao longo do proceso de aprendizaxe.O obxectivo do traballo é analizar algúns dos problemas de tipo discursivo que presentan estes textos e achegar unha proposta de clasificación dos mesmos. A tal efecto, partirase do marco teórico da gramática textual. Esta disciplina estuda o texto como unha unidade comunicativa; isto é, unha unidade superior ao enunciado que consta de oracións que se interrelacionan entre si e que é percibida por emisor e receptor como unha unidade semántica autónoma. O diálogo entre as compoñentes formais, as pragmáticas e as semánticas do texto é o que consegue que a unidade textual sexa entendida como un todo articulado. Se estes factores se relacionan do xeito adecuado cúmprensen as propiedades de coherencia, de cohesión, de informatividade, de intencionalidade...Entón, hai textualidade. Problemas relacionados con estas propiedades son aos que se lles dedicará atención na análise da mostra de escritos de alumnos que finalizan a secundaria.Ao abeiro deste marco teórico, será proposta unha clasificación dos problemas discursivos que se poden atopar nos escritos. A mostra que se vai analizar estará composta por unha serie de textos argumentativos tirados das probas ABAU, concretamente da proba de lingua e literatura galega do curso 2016-2017. Os textos que se empregarán son algúns dos que se están utilizando para conformar o corpus CORTEGAL, elaborado no Instituto da Lingua Galega. Unha vez descrita a mostra e obtida a clasificación coa que se vai traballar, pasarase a presentar e analizar os resultados obtidos, e así extraer as conclusións pertinentes. O traballo desenvolverase tendo presente en todo momento o obxectivo de auxiliar aos aprendentes no proceso de construción de unidades textuais en lingua galega e aos docentes no labor de ensinar os mecanismos deste proceso construtivo
YR 2020
FD 2020-06
LK http://hdl.handle.net/10347/24087
UL http://hdl.handle.net/10347/24087
LA glg
NO Traballo Fin de Grao en Lingua e Literatura Galegas. Curso 2019-2020
DS Minerva
RD 30 abr 2026