Capitalismo e desigualdade

Abstract

A desigualdade na distribución da renda e a riqueza é unha cuestión que preocupa e interesa aos economistas, e na que estes teñen moito que achegar. Malia a publicación de obras recentes pesimistas, como a de Piketty, segundo a cal o capitalismo aumenta as desigualdades, o certo é que toda a evidencia empírica da que dispoñemos sinala que as desigualdades na distribución funcional e persoal da renda e a riqueza lévanse reducido considerablemente nos últimos douscentos ou trescentos anos. Agora ben, desde os anos 70 do pasado século obsérvase que os máis ricos concentran unha proporción cada vez maior da riqueza, como consecuencia do aumento das súas rendas do traballo. A explicación dos factores que están detrás deste proceso supón un grande reto para a ciencia económica, pero semella que iso que denominamos capital humano ten moito que ver ao respecto.