Historia do Cine do Salnés. A exhibición cinematográfica en Cambados e outras vilas

Abstract

Ao abeiro do camiño iniciado por outros estudos de cine local en Galicia, a presente tese de doutoramento pretende ser un achegamento ao que foi, e segue a ser, a historia do cine na comarca galega do Salnés. O principal obxectivo do proxecto é facer un estudo local, con especial fincapé no punto de vista social, da chegada do cine á comarca e a evolución do mesmo nos seus diferentes períodos a nivel nacional e internacional, movido polos cambios sociais, económicos, políticos ou técnicos. Para iso, centrarémonos no estudo da exhibición cinematográfica nas vilas do Salnés, con especial atención a Cambados.