Modelización da estabilidade dimensional e da densidade da madeira de bidueiro procedente de Galicia

Abstract

Esta tese de doutoramento investiga a densidade e a estabilidade dimensional da madeira de bidueiro (Betula celtiberica Rothm. et Vasc.) procedente de Galicia. As masas de bidueiros ocupan na actualidade unhas 21.000 hectáreas en Galicia, o que supón un importante recurso forestal e ambiental na rexión. O estudo pretende achegar resultados exhaustivos sobre as características da madeira do bidueiro, fundamentalmente para comprender as súas potenciais aplicacións na industria e para un enfoque de xestión forestal sostible.