Big data e economía ambiental: análise de sentimento en Twitter sobre incendios forestais

Abstract

Neste traballo lévase a cabo unha aproximación teórica e unha aplicación práctica das novas oportunidades que o big data achega á investigación en Economía. Desenvólvese unha análise de sentimento en Twitter sobre incendios forestais co obxectivo de aportar máis datos para a mellora das estimacións feitas pola Economía Ambiental sobre os danos e prexuízos causados polos incendios. En particular o caso de estudo céntrase na vaga de lumes de outubro de 2017, en Galicia. Previamente realízase unha descrición e revisión destas técnicas apoiadas en macrodatos. Os resultados acadados amosan que o sentimento negativo (malestar, en termos de preferencias declaradas) dos usuarios de Twitter que falan sobre este tema aumenta canto máis grandes sexan os incendios, sentimento negativo que se ve tamén intensificado coa proximidade dos axentes aos focos dos lumes