Novas aproximacións para afrontar o desafío das superbacterias baseadas na detección química das carbapenemasas e na inhibición da biosíntese dos aminoácidos esenciais

Abstract

O descubrimento das sulfamidas e a penicilina, fai case un século, marcou un fito histórico no campo da medicina. Estes primeiros fármacos antibacterianos permitiron tratar con éxito as enfermidades causadas por infección bacterianas, que ata ese momento eran potencialmente mortais. Ademais de salvar innumerables vidas, estes fármacos e os que posteriormente se desenvolveron, permitiron algúns dos maiores e mais importantes avances da medicina moderna, converténdose en ferramentas fundamentais para levar a cabo con éxito diversas intervención cirúrxicas e tratamentos hospitalarios prolongados e invasivos, axudando a protexer aos pacientes das infeccións secundarias derivadas de eses tratamentos e favorecendo a súa correcta recuperación.