O mercado de produtos de oliveiral en España: Situación actual e perspectivas

Abstract

No presente traballo lévase a cabo un estudo de mercado dos produtos do sector do oliveiral en España. O obxetivo principal é o de amosar as oportunidades e as inclinacións deste sector na actualidade, realizando para iso unha análise dende o punto de vista da oferta e da demanda e obtendo información de fontes secundarias.En primeiro lugar, faise unha análise polo lado da oferta, tendo en conta a produción e as vendas netas do total do sector e das subcategorías de produto, así como a súa evolución con respecto ás campañas pasadas. Amósanse os datos das principais macromagnitudes, é dicir, das hectáreas que se destinan ao oliveiral e das empresas que se adican ao dito sector. Estúdase a situación da Balanza Comercial e dos principais axentes fabricantes e distribuidores que interveñen no proceso.En segundo lugar, a análise realízase polo lado da demanda, facendo un estudo do consumo e do gasto dos españois en termos totais e per cápita, tanto para o total do sector como para as subcategorías de produto, a nivel nacional e por Comunidades Autónomas. Analízase o peso que teñen as subcategorías de produto dentro do sector e o peso que ten o sector do oliveiral dentro do total da alimentación. Ademais analízanse as novas inclinacións na compra dos consumidores españois e o gasto entre os distintos produtos do sector olíveo. A continuación realízase un estudo para identificar aqueles segmentos de mercado potenciais, tendo en conta os diferentes perfís socioeconómicos españois. Tamén se presentan as denominacións de orixe coas que conta España na actualidade, tanto en aceite de oliva como en olivas de mesa. Por último, amósase unha análise DAFO, co que se procura plasmar a situación actual do sector do oliveiral.