Os modelos culturais de enfermería: unha alternativa á xestión tradicional da profesión

Abstract

Este traballo pretende analizar onde se sitúa a profesión enfermeira que se encontra inserida dentro dun sistema dominado polo modelo biomédico e no que os coidados consisten na aplicación de técnicas aprendidas. O obxectivo planeado consiste en explicar a actividade profesional enfermeira no momento actual e maila súa proxección de futuro, dende o punto de vista do influxo da cultura dos usuarios a fin de que estes sexan o cerne real dos coidados profesionais, actuando como individuos activos no seu proceso de saúde. Para elo analízanse diferentes items como o xénero, a imaxe dos profesionais, a xerarquía nos coidados ou a importancia do tempo e do espazo no momento de realizalos. O estudo é exploratorio cualitativo empregando a metodoloxía etnográfica para a recollida de datos que son analizados dende a fenomenoloxía. O campo no que se realizan as pescudas está delimitado xeograficamente dentro da Área de Xestión Integrada Lugo, Cervo e Monforte do Servizo Galego de Saúde, analizando tanto institucións públicas como privadas nas que se practica asistencia clínica e de formación de profesionais sanitarios. As unidades de análise empregadas están formadas pola visión que usuarios e profesionais teñen da enfermaría, tanto directamente como a través das diferentes canles de comunicación social, así como sobre o presente e o futuro da profesión. A enfermaría realiza coidados humanísticos pero só o pouco que lle permite o modelo actual, motivo polo que deberá afianzarse na súa autonomía e na importancia de conseguir un canon que contemple a faceta cultural dos usuarios, camiñando así cara un modelo holístico e interdisciplinar. Na consecución destas metas deben intervir os profesionais de enfermaría dende os diferentes ámbitos nos que se exerce a profesión, xa sexa docente, de xestión, investigación ou clínica.