O discurso A Coruña/La Coruña: a política lingüística e os límites do consenso

Abstract

Este artigo analiza o discurso dos actores políticos referido á normalización lingüística do galego, en xeral, e ao caso da forma toponímica da cidade da Coruña, en particular. A hipótese é que existe un discurso hexemónico que considera o marco lexislativo vixente como o teito para o deseño das políticas. Igualmente, considérase a existencia dunha regra da unanimidade que sirve de peche ao discurso hexemónico. Por outra banda, analízase o discurso alternativo, representado polo socialismo local coruñés, así como a súa estratexia de cara a disloca-lo discurso hexemónico. Enmárcase o estudo no último momento deste discurso: xurdido con motivo da aprobación da Lei de Grandes Cidades.