Tendencias recentes na evolución enerxética en Galicia

Abstract

O obxectivo principal deste traballo é dar a coñecer cales foron as tendencias recentes na evolución enerxética galega. Enmarcada nun contexto global de inestabilidade e incerteza en materia de enerxía, Galicia afrontou nas últimas décadas tempos de importantes cambios, nos que factores como o progresivo esgotamento dos combustibles fósiles, o continuado auxe do consumo ou a irrupción das enerxías renovables se unirían a outras eventualidades específicas da nosa comunidade, como a elevada capacidade de transformación enerxética ou a fin do carbón autóctono para configurar, para os distintos anos, as proporcións nas que as diferentes fontes provedoras deste ben tan necesario daban forma ao noso sistema enerxético. Así pois, a analizar esta evolución dedicaremos as seguintes páxinas.