Economía da pesca e acuicultura III: O furtivismo, estudo de caso na confraría de pescadores de Noia

Abstract

O obxecto primordial deste traballo de fin de grao é estudar o furtivismo marisqueiro na vila de Noia. Para iso, tentouse profundar na relación das mariscadoras coa súa profesión, buscando a súa opinión e tentando sempre responder a varias preguntas de investigación, tales como, se as mariscadoras eran quen de identificar aos distintos tipos de furtivos e se esta diferenciación podía acarear unha diferente tolerancia para elas. Para levar a cabo esta tarefa, non soamente se consultaron fontes bibliográficas existentes, se non que se realizou un estudo de campo, a pé de praia, entre os meses de Febreiro e Marzo do ano 2017. Realizando un total de 95 enquisas entre as mariscadoras a pé desta confraría, obtendo información tanto cuantitativa como cualitativa que nos deu a posibilidade de responder os nosos intereses.