Calendula: simplificando a xestión terapéutica

Abstract

O obxectivo principal deste traballo é o desenvolvemento dunha ferramenta para a xestión persoal da medicación e a mellora da adherencia, integrada na operativa das oficinas de farmacia a través da Folla de Medicación Activa e do Plan de Dispensación. Proponse que para acadar este obxectivo esa ferramenta resida no teléfono móbil do paciente, e que este poida usala cando acode á farmacia para obter a información continua en ditos documentos. Como obxectivo secundario, proponse a realización dun deseño de estudio piloto que permita avaliar a capacidade da ferramenta desenvolvida para a mellora da adherencia. Por último, á hora de levar a cabo o desenvolvemento terase en conta en todo momento que se está a tratar con información sensible de carácter médico, e poñeranse en marcha as medidas precisas para garantir a seguridade de toda a información utilizada, así como cumprir coa LOPD.