Referentes femininos en Galipedia, un recurso para introducir a perspectiva de xénero

Abstract

Nesta comunicación amósase como podemos empregar Wikipedia, en particular Galipedia a versión en galego da enciclopedia libre, para introducir a perspectiva de xénero na docencia. Por un lado, Wikipedia é unha fonte de información que nos permite amosar as contribucións das mulleres á ciencia e tecnoloxía e proporcionar modelos de referencia femininos ao noso alumnado. Por outro lado, elaborar entradas enciclopédicas en Galipedia sobre mulleres destacadas na disciplina pode ser un recurso docente, axudando ao alumnado a mellorar as competencias lingüísticas e informacionais, e tamén a construír unha enciclopedia libre de nesgos.