Os procesos de mutación e troco na cultura. O pito pastoril na Galicia

Abstract

O pito pastoril galego é un instrumento da tradición musical galega que chegou até nós por medio dunha evolución, atravesando diversos procesos de cambio, tanto no seu emprego como nas súas formas, que aconteceron paulatinamente dende o século XIX, en grande medida polas accións do artesanado galego. Esta frauta, nun inicio de pastores ou nenos, puido manterse en uso gracias a unha evolución e adaptación ás novas realidades sociais, amosando un proceso evolutivo naturalmente cultural. A finalidade primordial deste traballo é estabelecer unha ferramenta de medida dos procesos de troco e evolución das manifestacións culturais, que teña en consideración as múltiples variables que conforman un fito cultural que sempre é mutable. Por mor da aplicación desta ferramenta de avaliación das mutacións culturais ao pito pastoril galego, seremos quen de comprender que as evolucións das manifestacións non son lineais, amosando diferentes procesos que son medibles e avaliables epistemoloxicamente. Español: Los procesos de cambio y mutación en la cultura.