Alimentación, deglutición e nutrición: manual de abordaxe no dano cerebral adquirido

Abstract

Este manual é creado coa finalidade de proporcionar información fundamental sobre as dificultades e particularidades na alimentación e nutrición en persoas con dano cerebral adquirido (DCA), e proporcionar recomendacións e técnicas compensatorias e de tratamento para a abordaxe do DCA dende o eido domiciliario, nas fases subaguda e crónica. A fase aguda desta discapacidade non se contempla neste manual. Ao longo dos diferentes capítulos que o compoñen, identifícanse as consecuencias das secuelas dun DCA na alimentación, e descríbense as estratexias, adaptacións e produtos de apoio para favorecer unha alimentación segura e independente nas persoas pacientes. O correcto posicionamento é fundamental para a alimentación en DCA, así como a abordaxe axeitada das principais dificultades (manobras deglutorias, adaptación de formulacións farmacéuticas etc.). No manual tamén se definen as alteracións da deglutición (disfaxia) e os requirimentos especiais da nutrición en DCA xunto coas pautas para asegurar a súa achega na dieta oral.