Almáciga

Abstract

Neste traballo elaboramos un estudo sobre o barrio da Almáciga, no norte da cidade de Santiago de Compostela, a partir de información recollida de diversas fontes sobre distintos aspectos da zona como historia, territorio e poboación. A continuación, realizamos unha análise DAFO sobre a mesma e resaltamos os aspectos a mellorar propoñendo solucións co fin de acadar unha maior calidade de vida dos seus residentes e impulsar o desenvolvemento do barrio. Co obxectivo de obter información sobre a zona fixemos entrevistas, a maiores da realizada á Asociación de veciños da Almáciga que leva o centro sociocultural, a persoas encargadas do centro xove, membros da directiva do colexio CEIP Apóstolo Santiago e da ANPA deste, así como a tres persoas de distintas idades e que por motivos distintos residen no barrio. Por último, contamos con entrevistas a todos os locais abertos na zona como son unha carnicería, dous bares (aínda que un non quixo participar en gran parte da entrevista) e a sede do PSdeG - PSOE. Todas estas entrevistas están recollidas no anexo