XVII Informe sobre a xestión e o estado económico do cooperativismo agrario en Galicia

Abstract

O cooperativismo agroalimentario en Galicia é un factor fundamental na vertebración do desenvolvemento rural, tanto no ámbito territorial como no social e económico. A súa fortaleza reside na capacidade que posúe para converterse en vector de cohesión social e económica, xerando emprego de calidade directo e indirecto, e en resorte de defensa e adaptación aos cambios no sector agroalimentario e no contorno xeral. As cooperativas agroalimentarias enfróntanse hoxe a grandes retos e desafíos, para o cal é preciso traballar a favor da profesionalización do sector, da cualificación técnica e da modernización da súa xestión Este estudo que, puntualmente e ano tras ano, nos ofrece unha visión en profundidade da realidade, vén contribuíndo a sentar as estratexias que deben seguir estas entidades para a súa adaptación aos cambios tanto sociais como económicos que se están a producir.