Control e Automatización en Biofísica Aplicada á Medicina

Abstract

Nesta tese proponse o desenvolvemento e estudo de sistemas de control e automatización enfocados cara o ámbito clínico e experimental. O traballo constará de dúas partes ben diferenciadas pero complementarias. Na primeira os esforzos dedicaranse ó estudo de distintas variacións que se poden levar a cabo en sistemas microfluídicos para controlar o comportamento do experimento. Esta variación farase de xeito progresivo, comezando por técnicas pasivas, como cambio de forma de nanopartículas circulando polo sistema ou cambio da xeometría do dispositivo microfluídico para modificar sutilmente a interacción líquido estrutura. Esta parte culmina coa proba de técnicas activas coas que se experimentará co aproveitmento da enerxía proporcionada pola inxección de líquido, así como coa creación de materiais intelixentes que poidan xerar calor ante a aplicación dun campo magnético.