Titorización de proxectos a emprendedores

Abstract

O presente traballo ten por obxecto expoñer unha metodoloxía práctica de como titorizar aos potenciais emprendedores, acompañado dun caso real, “Gaia Dos Nenos”, idea orientada a satisfacer as necesidades das nais e dos bebés, con produtos ecolóxicos e que permita unha conciliación familiar en sintonía coa conservación do planeta. Para este traballo, analizaremos brevemente os antecedentes históricos do concepto de emprendedor, os principais obstáculos para o desenvolvemento da función empresarial e estudaremos as taxas de creación de empresas en España e en Galicia coa análise do informe GEM (2010). Continuaremos coa definición dos obxectivos da titorización, analizando ó emprendedor e ó seu proxecto, dentro dunha visión global. En todo proceso de titorización, é fundamental o papel que xoga o titor, que será outro bloque onde analizaremos as súas aptitudes xunto as actitudes que deben ter. A partir deste punto, centrarémonos no proceso de titorización, como se deben organizar as titorías, e a elaboración dun plan de empresa, aspecto fundamental para determinar a viabilidade do proxecto empresarial. Tamén estudaremos os recursos dispoñibles en Galicia para o emprendemento. Finalizaremos cun caso real dunha muller emprendedora, as dificultades que pasou, e como conseguiu sacar o proxecto para adiante.