Entre a inmanencia e o poder. Sistema de crenzas e canon politolóxico

Abstract

Fronte á concepción da politoloxía como un simple fenómeno plural ou multiparadigmático, este traballo propón un achegamento interdisciplinario ao estudo do cambio científico que xire ao redor do concepto de canon. Enténdese que así se pode chegar a comprender mellor que é e como funciona o campo da ciencia política, no que, ao igual que sucede no ámbito relixioso, se producen procesos de normativización social do pensamento e se forman sistemas de coñecemento de natureza obrigatoria. Se a filosofía da ciencia subliña a importancia da dimensión estritamente “científica”, a teoría do canon permite tomar conciencia, a maiores, de que non se poden ignorar nin as circunstancias nas que se redactan as obras constitutivas do elenco máis prestixioso da nosa disciplina nin a súa intencionalidade política.