Coñecendo o cooperativismo na gandería

Abstract

A Asociación Galega de Cooperativas Agrarias, AGACA, elabora este Manual sobre o cooperativismo na gandería (Coñecendo o cooperativismo na gandería), co obxectivo de que constituía un elemento básico de referencia para o coñecemento da realidade e evolución do cooperativismo gandeiro en Galicia. A día de hoxe faise fundamental coñecer a realidade das sociedades cooperativas no que se refire á súa dimensión, ás súas actividades principais, aos seus niveis produtivos, ao tipo e número de persoas socias que as compoñen, aos seus órganos sociais, así como a cuestións laborais ou formativas. As cooperativas agrarias e, especificamente, as gandeiras atoparán nel información útil para avaliar o seu traballo actual e futuro. A sociedade en xeral, incluíndo as Administracións e Institucións Públicas, teñen aquí unha ferramenta de traballo e un documento de referencia para promover e fomentar o cooperativismo como unha fórmula xurídica perfectamente válida para a actividade económica.